ܥܘ݂ܬܵܕܵܐ

You are missing some Flash content that should appear here! Perhaps your browser cannot display it, or maybe it did not initialize correctly.

ܐܲܨܲܚܬܵܐ ܫ݀ܟܠܵܢܵܝܬܵܐ PDF ܕܐܲܗܵܐ ܦܵܬܵܐ (24kb)

ܫܵܒ݂ܘܿܥܵܐ ܕܝܵܠܘܿܦܸ̈ܐ ܟܡܝ݂ܠܸ̈ܐ ܡܙܲܝܘ݂ܚܸܐ ܝ̄ܠܸܗ ܠܕܵܘ݀ܠܬܵܐ ܕܦܘ݂ܪ̈ܣܸܐ ܕܝܵܠܘܿܦܘ݂ܬܵܐ ܕܟܡܝ݂ܠܸ̈ܐ ܕܡܛܲܝܒ݂ܸܐ ܝ̄ܢܵܐ ܓܵܘ ܐܘܿܣܬܪܵܠܝܵܐ.

ܝܘ݂ܠܦܵܢܵܐ ܫܵܘܬܵܦܵܝܵܐ ܦܬܝ݂ܚܵܐ ܝ̄ܠܸܗ ܩܵܐ ܐ̄ܢܵܫܸ̈ܐ ܡ݂ܢ ܟܠ ܫ݀ܢܸ̈ܐ ܘܒܬܲܪ ̄ܚܵܨܵܐ ܝܘ݂ܠܦܵܢܵܝܵܐ. ܟܠ ܫܸܢ̄ܬܵܐ ܐ݀ܡܵܐܸ̈ܐ ܕܐܲܠܦܸ̈ܐ ܕܐܘܿܣܬܪ̈ܵܠܵܝܸܐ ܟܸܐ ܕܵܪܫܝ݂ ܠܟܲܟܪܸ̈ܐ ܐܘ݂ܡܵܢܵܝܸ̈ܐ، ܐܲܟܵܪܘ݂ܬܵܐ، ܬܲܓܵܪܘ݂ܬܵܐ، ܚܵܫܘܿܒ݂ܵܐ، ܐܲܡܢܸ̈ܐ ܘܐܘ݂ܡܵܢܘ݂ܝܵܬܸ̈ܐ، ܡܘܿܣܝ݂ܩܝ݂، ܚܘ݂ܠܡܵܢܵܐ، ܒܵܫܲܠܬܵܐ ܘܠܸܫܵܢܸ̈ܐ ܒܝܲܕ ܕܲܒܪ̈ܵܢܸܐ ܕܝܘ݂ܠܦܵܢܵܐ ܫܵܘܬܵܦܵܝܵܐ.

ܝܘ݂ܠܦܵܢܵܐ ܫܵܘܬܵܦܵܝܵܐ ܡ݀ܬܗܲܘܝܵܢܵܐ ܝ̄ܠܸܗ ܘܟܸܐ ܦܵܐ݀ܫ ܡܘ݂ܩܪ݀ܒ݂ܵܐ ܓܵܘ ܝ̄ܬܵܒ݂ܝܵܬܸ̈ܐ ܫܲܝܢܵܝܸ̈ܐ، ܒ݀ܚܒ݂ܵܫܵܐ ܟܠܵܢܵܝܘ݂ܝܵܬܸ̈ܐ ܫܵܘܬܵܦܵܝܸ̈ܐ، ܒܵܬܸ̈ܐ ܕܫܒ݂ܵܒ݂ܘ݂ܬܵܐ، ܒܵܬܸ̈ܐ ܐܲܪ̈ܟܸܐ ܘܝܘ݂ܠܦܵܢܵܐ ܐܘ݂ܡܵܢܵܝܵܐ ܘܐ̄ܚܝܵܢܵܝܵܐ . ܚܲܕ̄ܟܡܵܐ ܩ݀ܢܛܪ̈ܘܿܢܸܐ ܕܓܵܘܣܸ̈ܐ ܕܬܵܘܬܵܒ݂ܸ̈ܐ ܟܸܐ ܡܲܩܪ݀ܒ݂ܝ݂ ܚܘ݂ܪ̈ܙܸܐ ܕܝܘ݂ܠܦܵܢܵܐ، ܘܐܵܢܝ݂ ܐܲܦܙܸܐ ܡܵܨܝ݂ ܗܲܝ݀ܪܝ݂ ܠܘܿܟ݂ ܠܡܲܫ̄ܟ̮ܘ݂ܚܸܐ ܚܕܵܐ ܕܘ݂ܪܬܵܐ ܕܡܲܛܝܵܐ ܠܣܢܝ݂ܩܘ݂ܝܵܬܘܿܟ݂. ܐܲܢ̄ܬ ܡܵܨܸܬ ܙܲܘ݀ܓ݀ܬ ܥܲܡ ܚܲܕ̄ ܓܘ݂ܫܡܵܐ ܠܵܐ ̄ ܪܘ݂ܫܡܵܝܵܐ ܕܥܵܒ݂ܘܿܕܘ݂ܬܵܐ، ܚܕܵܐ ܕܘ݂ܟܬܵܐ ܕܦܘ݂ܠܚܵܢܵܐ ܕܚܲܕ̄ ̄ ܝܵܘܡܵܐ، ܝܲܢ ܚܕܵܐ ܕܘ݂ܪܬܵܐ ܡܬܝ݂ܚܬܵܐ ܠܚܵܕܲܪܝܵܐ ܫܵܒ݂ܘܿܥܸ̈ܐ ܝܲܢ ܝܲܪ̈ܚܸܐ.

ܝܘ݂ܠܦܵܢܵܐ ܫܵܘܬܵܦܵܝܵܐ ܠܵܐ ̄ ܦܣܝ݂ܣܵܐ (ܕܘ݂ܪ̈ܝܵܬܸܐ ܕܠܸܐ ܡܗܵܕܝ݂ ܩܵܐ ܚܕܵܐ ܕܝ݂ܠܵܝܘ݂ܬܵܐ ܪܘ݂ܫܡܵܝܬܵܐ) ܡܵܨܸܐ ܗܵܘܸܐ ܚܕܵܐ ܐܘ݂ܪܚܵܐ ܛܝ݂ܡܲܢܬܵܐ ܠܗܵܕܘܿܪܸܐ ܩܵܐ ܝܘ݂ܠܦܵܢܵܐ ܐ̄ܚܝܵܢܵܝܵܐ، ܡܲܦܠܵܚܬܵܐ، ܝܲܢ ܚܲܕ̄ ܫܘ݂ܚܠܵܦܵܐ ܕܫܒ݂ܝ݂ܠܵܐ. ܚܕܵܐ ܕܘ݂ܪܬܵܐ ܟܪܝ݂ܬܵܐ ܡܲܨܝܵܐ ܗܲܝ݀ܪܵܐ ܠܘܿܟ݂ ܠܸܩܢܵܝܵܐ ܠܟܲܟܪܸ̈ܐ ܬܲܩܢܝ݂ܩܵܝܸ̈ܐ ܝܲܢ ܐܘ݂ܡܵܢܵܝܸ̈ܐ ܚܲܕ̄ܬܸ̈ܐ، ܒܕܵܩܵܐ ܠܗ݀ܢܝܵܢܸ̈ܐ ܦܲܪ̈ܨܘܿܦܵܝܸܐ، ܡܛܲܘܪܘ݂ܢܸܐ ܠܟܲܟܪ̈ܘܿܟ݂ ܕܝܵܗ̄ܒ݂ ̄ ܫܩܵܠܵܐ، ܘܬܦܵܩܵܐ ܒܐ̄ܢܵܫܸ̈ܐ ܓܵܘ ܫܵܘܬܵܦܘ݂ܬܘܿܟ݂. ܐܲܢ̄ܬ ܒ݀ܬ ܗܵܘܸܬ ܒܘ݂ܫ ܐ̄ܚܝܵܢܵܐ ܥܲܡ ܛܲܟ݂ܣܵܐ ܕܝܘ݂ܠܦܵܢܵܐ ܐܘܿܣܬܪܵܠܵܝܵܐ ܘܒ݀ܬ ܡܛܲܘܪ݀ܬ ܠܬܟ݂ܝ݂ܠܘ݂ܬܵܐ ܩܵܐ ܥܲܩܵܒ݂ܬܵܐ ܕܦܘ݂ܪ̈ܣܸܐ ܚܲܕ̄ܬܸ̈ܐ ܓܵܘ ܦܘ݂ܠܚܵܢܵܐ ܘܩܪܵܝܬܵܐ.

ܓܲܕܵܐ ܡܲܚܕܝ݂ܵܢܵܐ ܩܵܬܘܿܟ݂ ܓܵܘ ܚܙܘ݂ܩܝܘܿܟ݂ ܕܝܵܠܘܿܦܘ݂ܬܵܐ ܒܡ݀ܬܚܵܐ ܕܚܲܝܸ̈ܐ!