တၢ်ဂ့ၢ်ဆှၢနုာ်တဖၣ
PDFအလံာ်ကျိာ်ထံလၢကဘျံးပၤအံၤ (22kb)
ပှၤဒိၣ်တုာ်ခိၣ်ပှဲၤအဂီၢ်တၢ်သိၣ်လိအနွံအကတီၢ်တၢ်ကမၤလၤကပီၤဘၣ်ပှၤနီၢ်ဒိၣ်တဖၣ်တၢ်သိၣ်လိတၢ်ခွဲးတၢ်ယာ်လၢတၢ်ပာ်လုၢ် ပာ်ပှ့ၤအီၤလၢတၢ်ထံၣ်န့ၢ်အီၤသ့ဖဲကီၢ်အီးစထြ့လ်ယါအပူၤအံၤန့ၣ်လီၤ.
ပှၤတဝၢတၢ်ကူၣ်ဘၣ်ကူၣ်သ့အံၤဘၣ်တၢ်အိးထီၣ်တၢ်ခွဲးတၢ်ယာ်လၢပှၤကိးဂၤသးပှၢ်ဖိသၣ်အဂီၢ်ဒီးတၢ်ကူၣ်ဘၣ်ကူၣ်သ့အကျိၤအကျဲန့ၣ်လီၤ. တနံၣ်အတီၢ်ပူၤဒၣ်ဝဲပှၤအီးစထြ့လ်ယါထံဖိကီၢ်ဖိလၢအကယၤကထိတဖၣ်မၤလိဘၣ်မုၢ်ကျိၤဝဲၤကွာ်တၢ်သ့ထီၣ်ဘၣ် ထီၣ်, တၢ်သူၣ်တၢ်ဖျးဒီးတၢ်ဃုကျိၣ်စ့ဂ့ၢ်ဝီ, ခီဖၠူထၢၣ်တၢ်သိၣ်လိ, တၢ်စုသ့ခီၣ်ဘၣ်, တၢ်သူၣ်ဝံၣ်သးဆၢ, တၢ်အိၣ်ဆူၣ်အိၣ်ချ့, တၢ်ဖီအီၣ်တ့ၤအီၣ်,ဒီးကျိာ်တဖၣ်ခီဖျိပှၤတဝၢတၢ်ကူၣ်ဘၣ်ကူၣ်သ့အကျိၤအကျဲတဖၣ်အံၤအဃိန့ၣ်လီၤ.
ပှၤတဝၢတၢ်ကူၣ်ဘၣ်ကူၣ်သ့အံၤတမ့ၢ်တၢ်လၢအပှ့ၤဒိၣ်ဝဲဘၣ်ဒီးဘၣ်တၢ်ဟ့ၣ်လီၤတၢ်ခွဲးတၢ်ယာ်လၢအဂ့ၤ, ပၣ်ဃုာ်ပှၤတဝၢဖၠၢ်စိမိၤတဖၣ်, လီၢ်ကဝီၤခိၣ်ဃၢၤအဟံၣ်တဖၣ်, လံာ်ရိဒၢးဒီး TAFEန့ၣ်လီၤ. တၢ်ကရၢကရိလၢအကွၢ်ထွဲပှၤဟဲနုာ်လီၤကီၢ်ပူၤသုးလီၢ်သုး ကျဲတဖၣ်အဂီၢ်ဒုးအိၣ်ထီၣ်တၢ်ကူၣ်သ့တၢ်ရဲၣ်တၢ်ကျဲၤတဖၣ်,ဒီးအဝဲသ့ၣ်ကဃုထံၣ်န့ၢ်နဂီၢ်တၢ်သိၣ်လိတခါခါလၢကမၤပှဲၤနတၢ်လိၣ်ဘၣ်သ့ဝဲလီၤ. နနုာ်ပၣ်ဃုာ်လၢတၢ်ဟူးတၢ်ဂဲၤတဖၣ်အကရူၢ်အပူၤ, တနံၤအဂီၢ်တၢ်သိၣ်လိဖုၣ်, မ့တမ့ၢ်တၢ်သိၣ်လိလၢတၢ်ကဆဲးမၤအီၤစှၤနွံအတီၢ်ပူၤမ့တမ့ၢ်စှၤလါအတီၢ်ပူၤသ့ဝဲလီၤ.
ပှၤတဝၢအတၢ်ကူၣ်ဘၣ်ကူၣ်သ့လၢတၢ်တပာ်ပနီၣ်အီၤတဖၣ် (တၢ်သိၣ်လိလၢတၢ်တပာ်ပနီၣ်အီၤ) ကမ့ၢ်တၢ်ကတဲၤကတီၤအကျဲ လၢကဒုးသ့ထီၣ်ဘၣ်နၤလၢခါဆူညါတၢ်ကူၣ်ဘၣ်ကူၣ်သ့အဂီၢ်, တၢ်ဃုဖံးဃုမၤ, မ့တမ့ၢ်တၢ်ဆီတလဲတၢ်လုၢ်အီၣ်သးသမူအကျဲတဖၣ်အတၢ်ဆီတလဲအသးန့ၣ်လီၤ. တၢ်သိၣ်လိနံၤဖုၣ်တဖၣ်အံၤကမၤစၢၤနၤဒ်သိးနကသ့အါထီၣ်တၢ်သ့စုခီၣ်ဘၣ်ဒီးမၤသ့အါ ထီၣ်နတၢ်သ့တၢ်ဘၣ်, ဟးဃုသ့ၣ်ညါအါထီၣ်နီၢ်ကစၢ်တၢ်သးစၢၢ်ဆၢတဖၣ်, မၤဂ့ၤထီၣ်နတၢ်ဆဲးကျိးအတၢ်သ့တၢ်ဘၣ်တဖၣ်ဒီးထံၣ်လိာ်သးဒီးပှၤအဂၤတဖၣ်လၢနပှၤတဝၢအပူၤသ့ဝဲန့ၣ်လီၤ. နကသ့ၣ်ညါအါထီၣ်ဘၣ်အီးစထြ့လ်ယါအတၢ်ကူၣ်ဘၣ်ကူၣ်သ့ အကျိၤအကျဲတဖၣ်ဒီးဒုးဂုၤထီၣ်ပသီထီၣ်နီၢ်ကစၢ်တၢ်နာ်န့ၣ်လီၤသးလၢကမၤလၢပှဲၤတၢ်ခွဲးတၢ်ယာ်အသီလၢတၢ်မၤဒီးတၢ်မၤလိအပူၤတဖၣ်န့ၣ်လီၤ.
မၤန့ၢ်အီၣ်ကဲလၢနတၢ်မၤလိသးသမူအတၢ်လဲၤကျဲဒီတကတီၢ်ညါအပူၤ.
